Monthly Archives: April 2013

Suma daga er bara nauðsynlegt að gera vel við sig og þá klikkar nú sjaldan að fá sér nautasteik. Þessi máltíð er algjört spari og en um leið skemmtilega einföld. Salsa verde er nokkurskonar pestó sem kemur upprunarlega frá Ítalíu og hentar fullkomlega með nautakjöti en er jafnframt frábært með fiski.

Nautalund Salsa Verde
700 g ungnautalund
Marinering
2 msk extra virgin ólífuolía
1/4 bolli balsamik edik
1/8 soyasósa
1 hvítlauksrif pressað
1/8 laukduft
1/4 bolli þurrt sherry

Salsa Verde
1 búnt steinselja
1 búnt basil
2 msk capers
2-3 ansjósur
2 msk rauðlaukur, saxaður
2 hvítlauksrif, pressuð
1 msk sítrónusafi
1 msk rauðvínsedik
1/2 bolli ólífuolía
Svartur pipar

Aðferð
Blandið öllum hráefnunum sem eru í marineringunni í skál. Hellið í poka með rennilás, setjið nautakjötið ofaní og látið í ísskáp í amk. 5 klukkustundir. Látið öll hráefni salsa verde, að frátaldri ólífuolíunni, í matvinnsluvél og blandið hægt saman. Hellið olíunni út í og notið aðeins þá olíu sem þar til að þetta verði að mauki. Látið maukið í skál og hellið afgangs ólífuolíunni saman við. Steikið/grillið kjötið og berið fram með salsa verde.

Uppskriftina er að finna á blogginu hennar Berglindar Guðmundsdóttur – www.gulurdaudurgraennogsalt.com – smelltu hér

Þessi réttur sérstaklega einfaldur og dásamlegur á bragðið. Hann er gerður sólahring áður en bera á hann fram. Fiskurinn eldast í sýrunni af limesafanum og verður við það þéttur í sér og einstaklega ferskur á bragðið. Fullkominn hollur og bragðgóður forréttur eða sem smáréttur og það án mikillar fyrirhafnar.

Chevise lúða
800 g smálúða (eða annar hvítur fiskur)
safi úr 7 límónum
5-6 tómatar, skornir í teninga
2 avacado, skorin í teninga
1 rautt chillí, smátt saxað
1 rauðlaukur, skorið í sneiðar
1 búnt ferskt kóríander

Roðflettið fiskinn og beinhreinsið og skerið í um 3×3 cm bita. Látið fiskinn í ílát eða grunnt fat og kreistið yfir hann límónusafa.  Látið plastfilmu yfir ílátið og geymið yfir nótt eða allt að sólahring í kæli. Skerið grænmetið niður og blandið saman við fiskinn um klukkustund áður en rétturinn er borinn fram.

Uppskriftina er að finna á blogginu hennar Berglindar Guðmundsdóttur – www.gulurdaudurgraennogsalt.com – smelltu hér

LKL Súkkulaðimúffur:

30 gr kókoshveiti
20 gr kakó
3 stór egg
60 ml rjómi
70 gr erythritol

hitið ofn í 175 gráður
raðið mini muffins formum á bökunarplötu
blandið saman kókoshveiti og kakói gott að sigta það saman.
Blandið saman eggjum rjóma og erythritol þeytið vel saman.
Blandið þurrefnum varlega út í eggjablönduna og deilið svo deiginu niður í muffinsform.
Bakast í 15 mín , passið að baka ekki of lengi.

Svo má setja gott krem ofan á, eða þeyttan rjóma og jarðaber eða nota þetta frosting:

LKL Vanillu og rjómaosta krem

225 gr rjómaostur við stofuhita
225 smjör, má vera ósaltað í græna álpappírnum
200 g erythritol eða xylitiol, gott að setja í mixer og gera það púðurmeira,
1 ½ msk vanilludropar
Örlítið af xanthan gum ef blandan þykknar ekki nóg.

Þeytið öllu saman í skál, gott að hafa hana ekki of víða í þvermáli, frekar háa og þrönga og notið handþeytara. Kælið og sprautið svo á kökurnar. ATH það er líka hægt að blanda þessu kremi saman í mixer, það kemur jafnvel betur út því það vill hlaupa í kekki, þá bara fínmala sætuefnið, setja svo rest af uppskrift í mixerinn og mixa áfram kremið, setja í sprautupoka og geyma í kæli smá stund áður en því er sprautað á 🙂 ætti að koma vel út þannig 🙂

Uppskriftina er að finna á blogginu hennar Maríu Kristu Hreiðarsdóttur –  www.mariakristahreidarsdottir.blogspot.com/– smelltu hér

Það kemur fyrir að ræmu sé skellt í tækið og þá vantar stundum eitthvað til að narta í. Ég rakst á þetta girnilega hnúðkál í Krónunni á Selfossi eftir yndislega ferð á Hótel Ion Lux á Nesjavöllum og ákvað að kippa einu með heim og gera tilraunir á því.
Réðst á greyið með Saladmeistergræjunni og út kom þetta fína snakk. Gerði svo ídýfu úr einhverju samkrulli úr ískápnum og þetta var maulað yfir sjónvarpinu ásamt ostakubbum sem eru algjör snilld í poka.

1 hnúðkálshaus skorinn niður, má nota mandólín, saladmeisterkvörn, eða einhversskonar rifjárn. Og auðvitað bara venjulegan hníf 🙂

Innihald sósu:
1 tsk mæjónes
1 tsk 18% sýrður rjómi
1/2 tks dijon sinnep
1 msk parmesanduftostur
pipar
smà safi af dillchips ( Mt Olive í krukku , Kostur)
1-2 steviudropar

Það má nota hvaða ídýfu sem er svo framarlega sem hún er ekki stútfull af sykri og aukaefnum en þessi var rosalega vel heppnuð;)

Hnúðkál eða Kohlrabi eins og það heitir á ensku er afar hollt og gott og á ættir að rekja til garðakáls. Það líkist bragði gulrófa en samt ekki eins rammt. Gott í allskonar rétti, steikt, soðið eða notað hrátt eins og hér í snakk. Fullt af góðum C vítamínum og trefjum. Inniheldur 2 net carb í 100 gr svo það má nú alveg narta aðeins í þetta án þess að það geri mikinn skaða:)

Uppskriftina er að finna á blogginu hennar Maríu Kristu Hreiðarsdóttur –  www.mariakristahreidarsdottir.blogspot.com/– smelltu hér