Monthly Archives: September 2014

Ég veit að þetta verður erfitt svona til að byrja með. Það er það alltaf þegar maður hættir með einhverjum. Þannig að til þess að hjálpa mér þá hef ég skrifað þetta bréf sem fjallar um ástæður þess að þetta eitraða samband getur bara ekki haldið lengur áfram. Það er allt of mikið í húfi fyrir mig. Heilsa mín og framtíð er í húfi. Alltaf þegar mig langar að fara aftur til þín skal ég lesa þetta bréf yfir og fara aftur og aftur yfir ástæðurnar. Þetta samband hefur aldrei verið og verður aldrei heilbrigt.

Sykur, það er kominn tími á að við hættum saman. Þú ert ekki málið fyrir mig lengur.
Þú ert ekki góður fyrir mig og í sannleika sagt fæ ég ógleðistilfinningu yfir því hvernig þú lætur mér stundum líða.
Mér líður ekki vel þegar við erum saman og mér líður oft hræðilega þegar við erum búin að hittast mikið. Þú hefur einstakt lag á að láta mér líða illa. Ég fæ samviskubit eftir hvert sinn sem ég hitti þig og ég veit af hverju það stafar. Ég veit að þú hefur slæm áhrif á heilsu mína og andlega líðan og ég veit að það er engin framtíð með þér.
Og sykur…. það sem er erfiðast er að ég sé þig ALLSSTAÐAR og þú virðist vera ALLSSTAÐAR þar sem ég er, hvert sem ég lít, þarna ertu. Alltaf jafnsætur.

Þessu er lokið. Þú ert ekki lengur velkominn í mínu lífi. Þú ert ekki velkominn inn á heimili mitt lengur. Ég ætla að útiloka þig. Ég ætla að hætta með þér í dag en ég veit að ég mun eiga erfitt án þín. Ég mun hugsa til þín og ég mun sennilega þrá að fá þig aftur inn í líf mitt EN ég ætla að standa við þennan skilnað því heilsa mín og vellíðan skiptir mig meira máli en þú.

Þín, ekki lengur
Ég.

Ársneysla Íslendinga á sykri er komin yfir 50 kg á mann og kostnaður við lífsstílstengda sjúkdóma er um 40 milljarðar á ári. Þetta eru svakalegar tölur sem skila okkur Íslendingum í efsta sæti meðal Norðurlandaþjóða. Við erum feitust!
Það er sláandi að sjá viðtalið við Framkvæmdastjóra SÍBS Guðmund Löwe þar sem hann bendir á að langtíma samantekt SÍBS á heilsufari þjóðarinnar og sykurneyslu bendi til þess að ef sykurskattur verði aflagður muni ekkert stoppa það að offitufaraldurinn nái nýjum hæðum. 75% kostnaðar í heilbrigðiskerfinu stafar af afleiðingum langvinnra og lífsstílstengdra sjúkdóma. Þetta er svipað hlutfall og hjá Bandaríkjamönnum sem eru með feitustu þjóðum í heimi. Hvað finnst þér um þetta og hvað er til ráða? Sykurskattur? Aukin fræðsla?
Sjá viðtal hér: Sykurneysla Íslendinga

Nú er komin út þriðja bókin mín sem fjallar um lágkolvetna lífsstílinn og kallast hún Kolvetnasnauðir hversdagsréttir – réttir án sykurs, gers og hveitis. Ég er gríðarlega ánægður með útkomuna og er það ekki síst að þakka frábærum myndum og stíliseringu frá henni Rögnu Sif Þórsdóttir. Það vita það jú allir að maður byrjar að borða með augunum 🙂
Í þessari nýju bók er að finna 6 vikna matseðil ásamt 10 afar girnilegum og afar sykurlausum eftirréttar uppskriftum. Áherslan er á ódýran og góðan heimilismat, hversdagsrétti sem ekki taka langan tíma í undirbúningi og eldun; holla og gómsæta rétti sem eru lausir við sykur og hveiti. Flestir réttana eru fyrir 4 og kosta sumir þeirra undir 3 þús kr og nokkrir undir 2 þús kr í innkaupum. Sem sagt ódýrt og fljótlegt

Nú er leikur í gangi sem gerir þér kleift að vinna bókina ásamt fleiri góðum vinningum frá Nettó, MS Gott í matinn og Nettó verslununum. Farðu inn á Facebook síðu LKL og gerðu like og þú ert kominn í potinn. Dregið daglega alla vikuna – Gangi þér vel og njóttu lestursins
Kær kveðja
Gunni