Gómsætir LKL súkkulaði og hnetusmjörsmolar
60 gr smjör hitað í potti
100 gr 85% Rapunzel súkkulaði
100 g hnetusmjör( MONKI )
2 msk erythritol sem er búið að mala aðeins í mixer

Súkkulaðið látið út í heitt smjörið og látið bráðna rólega saman, hrært
hnetusmjör og sætuefni blandað saman í skál.

Setjið þetta í 12 lítil muffinsform
súkkulaði fyrst, skellið því í ískáp í smá tíma, svo tsk af hnetusmjör og aftur hellið súkkulaði yfir.
Þetta er sett í frysti í smá stund og svo bara PARTÝ

Uppskriftina er að finna á blogginu hennar Maríu Kristu Hreiðarsdóttur –  www.mariakristahreidarsdottir.blogspot.com

Ég veit að þú Guðríður er ekkert sérstaklega hrifin af blómkáli en samt ég ætla að hvetja þig til að prófa. Það er ekkert svo mikið blómkálsfílingurí þessu. Gott sem meðlæti með örugglega mörgu, ég var bara með steiktar kjúklingabringur með þessu,sýrðan rjóma og smá leifar af hummus. Uppskriftin er frá Paleo gourmet

Blómkáls Zaalouk

• 1 stór blómkálshaus
• 3 hvítlauksrif
• 1 ferna hakkaðir tómatar (ca 400 gr)
• 1 búnt sléttblaða steinselja, eða eins mikið og manni finnst gott
• 1 tsk spiskummin
• 1 tsk paprika
• Safin af 1/2 sítrónu
• salt og pipar
• smá chili krydd ef maður vill hafa þetta sterkt
• ólífuolía

1. Blómkálið skorið í lítil knippi og soðið í ca 10-15 mín eða þangað til það er næstum mjúkt. Smá hart í því svo það fari ekki alveg í mauk. Vatninu hellt af og svo maukað örlítið með gaffli, ekki alveg í stöppu heldur þangað til það lítur út eins og kannski hrísgrjón.
2. Hvítlaukurinn steiktur örlítið á pönnu með ólífuolíu.
3. Öllu blandað saman.
   Uppskriftina er að finna hjá matarbloggurunum Kristínu og Guðríði sem eru með tvíbura gourmet – hér

Þið þekkið eflaust öll hversu vel chilí, hvítlaukur og engifer eiga saman. Bætið kókosmjólk útí og þið eruð komin með sól og
sumaryl í eldhúsið og það í október og toppið það! Þið stjórnið því hversu sterkan þið viljið hafa réttinn en hér vann ég með
hálfan chilí með fræjum og það gaf réttinum gott bragð, reif aðeins í án þess að hann væri of sterkur.

Bleikja í kókosmjólk
2 flök bleikja ca 750 gr.
1 lime, safinn og fínrifinn börkurinn
2 hvítlauksrif, kramin
2 cm engifer, maukað
1/2 rauður chilí, saxað
1 lítil dós kókosmjólk
1 msk hrásykur (innl LKL: hægt að nota 1/2  msk Erythritol/Xylitol í staðinn)
1 fiskiteningur

Aðferð

1. Blandið saman í skál lime safa og berkinum, hvítlauk, engifer, chilí og hellið yfir fiskinn. Látið marinerast í 30 mín.
2. Steikið fiskinn á pönnu á hvorri hlið í um 1 mínútu. Blandið útí marineringunni, kókosmjólkinni, hrásykri og fiskiteningi og látið malla í um 5 mínútur, eða þar til fiskurinn er fulleldaður.
3. Borið fram með t.d. cous cous og góðu salati.

   Uppskriftina er að finna á blogginu hennar Berglindar Guðmundsdóttur – www.gulurdaudurgraennogsalt.com – smelltu hér

Fiskur er í miklu uppáhaldi hjá mér, það er ansi skemmtilegt að prufa sig áfram og prufa nýja rétti. Þessi réttur er ansi góður að mínu mati, með smá Ítölsku ívafi þó svo að ég hafi litla hugmynd um Ítalska matreiðslu þá ætla ég samt að segja að þessi réttur sé með Ítölsku ívafi. Þessi réttur hentar sérlega vel hvenær sem er.

Ég vona að þið njótið vel.

Fiskur með pestó, ólífum og parmesan.
2 ýsuflök (eða bara sá fiskur sem ykkur þykir bestur)
1 krukka rautt pestó
1/2 krukka fetaostur, olían má fara með
10 – 15 ólífur
6-7 kirsuberjatómatar
parmesan ostur, ferskur rifinn
salt og nýmalaður pipar

Skolið fiskinn vel. Kryddið með salti og nýmöluðum pipar, leggið fiskinn í eldfast mót. Náið ykkur í skál, hrærið saman pestóinu og fetaostinum. Dreifið blöndunni yfir fiskinn, skerið ólífur og tómata í litla bita og dreifið yfir. Kryddið með salti og nýmöluðum pipar, sáldrið smá parmesan osti yfir fiskréttinn að lokum. Inn í ofn við 180°C í 20 – 25 mínútur.

Parmesan ostur, hentar vel í matargerð og er algjörlega dásamlegur.

Rauðvín til hliðar, því ef maður ætlar að fara til Ítalíu í huganum þá verður rauðvín að fylgja með.

Ekki spara parmesan ostinn því hann gefur réttinum einstaklega gott bragð.

Uppskriftina er að finna á blogginu hennar Evu Laufey Kjaran – www.evalayfeykjaran.com – smelltu hér

Eins og ég sagði frá í gær þá var ég með matrétti um helgina sem henta LKL mataræðinu. Það hefur nú varla farið fram hjá mörgum að þetta mataræði er orðið afar vinsælt hér á landi. Mataræðið inniheldur mjög lítið magn kolvetna, prótein og síðast en alls ekki síst, fitu! Það getur verið dálítið flókið að sneiða hjá kolvetnum en kosturinn við þetta mataræði er að það er margt gott leyfilegt. Eftirrétturinn sem ég hafði um helgina var gómsæt súkkulaðimousse eða súkkulaðifrauð. 70-80% súkkulaði er leyfilegt til hátíðabrigða á LKL matarræðinu. Þetta súkkulaðifrauð er afar einfalt en ákaflega ljúffengt í því er einungis dökkt súkkulaði, eggjarauður og þeyttur rjómi. Dásamlega einfalt og gott! Ég hef áður bloggað um súkkulaðifrauð. Þar kemur einmitt fram að súkkulaðifrauðin eru til í allskonar útgáfum. Það er af og frá að þetta LKL – súkkulaðifrauð sé einungis fyrir þá sem eru á lágkolvetnismataræði, það er sannarlega fyrir alla aðra sælkera líka!

Uppskrift f. 4-6:

• 100 g dökkt súkkulaði, helst 80%
• 2 eggjarauður
• 3 dl rjómi
• einhverskonar bragðbætir, td. koníak (ég sleppti slíku)

Súkkulaðið er brytjað niður og brætt yfir vatnsbaði við vægan hita, látið kólna dálítið. Því næst er eggjarauðunum bætt út í súkkulaðið einu í senn og blandað vel saman við súkkulaðið. Rjóminn er þeyttur og dálitlum hluta af honum, ca. 1/2 dl., bætt saman við súkkulaðiblönduna og hrært þar til að allt er vel blandað saman. Þá er restinni af rjómanum bætt út í og hrært þar til blandan er slétt. Blöndunni er skipt í glös og látin stífna í ísskáp í minnst 2 tíma áður en hún er borin fram. Gott er að bera fram þeyttan rjóma með súkkulaðifrauðinu og jafnvel skreyta með jarðaberjum eða hindberjum – þau eru leyfileg í LKL!

Hér eru dásamlegu Lattebollarnir frá Cup Companynotaðir undir súkkulaðimúsina!

Uppskriftina er að finna á blogginu hennar Drafnar Vilhjálmsdóttur – www.eldhussogur.com – smelltu hér

3 eggjarauður eða 3 heil egg, smekksatriði
1 peli rjómi
3 msk sætuefni t.d. erythritol
1-2 msk vanilludropar

Stífþeytið rjómann í skál.
Í annari skál þeytið vel saman eggjum, vanillu og sætuefni
Blandið þessu varlega saman við rjómann og frystið í formi.

Það má auðvitað bragðbæta ísinn ef maður vill með,dökku kakói, bragðefni,
sykurlausu karmellusýrópi eða próteini en mér finnst hann bestur svona einfaldur og “ömmulegur”.

Súkkulaðisósa:
2-3 msk kaldpressuð kókosolía (Himnesk hollusta mjög góð)
2 msk dökkt kakó
sætuefni eftir smekk
2-3 msk heitt kaffi.

Möndlu eða vanilludropar mjög góðir til að bragðbæta.

Öllu hrært saman og smakkað til.
Hér þarf stundum að slumpa aðeins og ekki gera of mikið magn í einu því
yfirleitt er nóg að setja 2-3 tsk yfir ísinn.

Uppskriftina er frá Maríu Kristu Hreiðarsdóttur –  www.mariakristahreidarsdottir.blogspot.com

Munið þið ekki eftir íssamlokunum, eða Óreó ískökunum ? Þessar dásamlegu súkkulaði oopsies rifja upp gamlar syndir alveg með det samme.  Uppskriftin átti upphaflega að vera með kremi á milli en mér fannst ískökur hljóma betur ! Enda sumarið handan við hornið …

Rjómaostur og rauður þeytast svo saman ásamt sætuefninu, því næst fer kakóið og lyftiduftið í blönduna og að lokum veltið þið eggjahvítunum mjög varlega saman við deigið.
Búið til litlar kökur á bökunarpappír, ca 1 msk f. hverja köku.

allt þeytt saman í mixer og svo sprautað á kökurnar í staðin fyrir rjómann.

Til að elda góðan mat þarf ekki mikið annað en ástríðu og áhuga fyrir matargerð. Það þarf að prufa sig áfram, skoða, lesa, mistakast, byrja aftur og gleðjast þegar manni er umbunað erfiðið með einhverju sem slær algjörlega í gegn.
Ef maður er ekki fyrir það að vera lengi í eldhúsinu en vill engu að síður elda og borða góðan mat, þarf ekkert annað en að kaupa sér uppskriftabækur eða hreinlega fara á netið og finna einfalda en um leið “rock-solid” rétti.

Þessi réttur er einn af þeim sem að krefst lítillar áreynslu en lætur viðstadda stynja af ánægju. Eins og með svo marga aðra rétti á síðunni minni segi ég..ef þið ætlið bara að gera einn rétt, gerið þá þennan!

Volgt lambakjötssalat í balsamiklegi
fyrir 4
ólífuolía
1 msk balsamikedik
600 gr lambafillet
1 grasker, butternut squash, skorið í teninga
1 búnt aspas, skorið í þrjá hluta
1 rauðlaukur, skorinn í sneiðar
kál að eigin vali
furuhnetur
fetaostur, hreinn

Aðferð

1. Hitið ofninn á 200°c. Hrærið saman olíu, balsamikediki og salti og pipar. Bætið lambinu útí og nuddið blöndunni í kjötið. Setjið filmu yfir og geymið í ísskáp.
2. Látið graskerið á bökunarplötu með smjörpappír. Hellið yfir smá olíu og saltið og piprið. Látið í ofninn í um 35 mínútur eða þar til það er orðið mjúkt.
3. Stekið aspasinn og laukinn á pönnu. Kryddið með salti og pipar.
4. Takið lambið úr marineringunni. Steikið á rifflaðri pönnu við mikinn hita í um 3-4 mínútur á hvorri hlið. Látið inní ofn í nokkrar mínútur. Tekið úr ofni og látið standa í um 5-10 mínútur. Skerið í þunnar sneiðar.
5. Raðið öllu hráefninu á disk, endið á lambinu, furuhnetum og myljið síðan fetaost yfir allt.
6. Munið að láta mig vita hvernig ykkur líkaði!Uppskriftina er að finna á blogginu hennar Berglindar Guðmundsdóttur – www.gulurdaudurgraennogsalt.com – smelltu hér