Category Archives: Gestablogg

Frábær uppskrift sem auðvelt er að LKL væða. Nota aðeins rúmlega að smjörinu, feitari útgáfuna af rjómaosti og sleppa tortillu flögunum, ekki flókið. Hentar vel að hafa fersk salat með og blómkálsgrjón.

Uppskriftin er fyrir 6

6 kjúklingabringur
1-2 msk olía eða smjör
Krydd, t.d chilli explosion eða önnur góð kryddblanda
1 stór krukka (350 gr) salsa sósa
1 askja Philadelphia light rjómaostur
1 Mexíkó ostur, smátt skorinn
1/2 kjúklingateningur
Nokkrar tortillaflögur
1 dl rifinn ostur
Smátt saxað ferskt kóríander (má alveg sleppa)

Aðferð: Hitið ofn í 180 gráður og kveikið undir pönnu á meðal-háum hita. Skerið bringurnar í tvennt, kryddið og steikið upp úr smjöri eða olíu þar til bringurnar hafa brúnast. Leggið kjúklinginn í eldfast mót

Hellið salsa sósunni á pönnuna ásamt smátt skornum Mexíkó ostinum og rjómaostinum og hálfum kjúklingateningi. Setjið 1 dl af vatni í salsakrukkuna, lokið á og hristið og hellið á pönnuna. Hitið sósuna þar til allt bráðnar en það er allt í lagi að hafa smá Mexíkó osta bita í henni, bara betra. Hellið yfir kjúklingabringurnar. Stráið yfir rifna ostinum og nokkrum lúkum af muldum tortillaflögum. Bakið í 20 mínutur.

Uppskriftina er að finna á matarblogginu Eldhúsperlur hér

900 g úrbeinuð kjúklingalæri, ég notaði 1 poka af kjúklingalærum frá Rose Poultry
1 tsk salt
1 tsk pipar
ólífuolía

Pistasíu pestó

140 g pistasíuhnetur
1 lúka fersk basilíka
1 lúka steinselja
2 hvítlauksrif
50 g parmesanostur, rifinn
ca. 100 ml ólífuolía
sjávarsalt

Gerið pistasíupestóið með því að láta pistasíuhnetur, basilíku, steinselju, hvítlauk og parmesanost í matvinnsluvél. Stillið á “pulse” þar til henturnar eru gróflega saxaðar og hellið þá olíunni rólega saman við (með matvinnsluvélina í gangi) og leyfið að blanda saman. Bætið við meiri olíu ef ykkur finnst þurfa. Bætið að lokum salti saman við.

Kryddið kjúklingalærin með salti og pipar á báðum hliðum. Hitið olíu á pönnu og steikið kjúklingalærin við háan hita í 2-3 mínútur á hvorri hlið eða þar til kjúklingurinn er orðinn gylltur.

Setjið kjúklingalærin í ofnfast mót og dreifið pistasíupestóinu yfir kjúklingalærin um 1 msk á hvert læri. Setjið í 170°c heitan ofn í ca. 15 mínútur eða þar til kjúklingurinn er fulleldaður

Berið fram með salati og því sem eftir er af pistasíupestóinu.

Uppskriftina er að finna á matarblogginu gulur, rauður grænn og salt hér

Það er komin helgi og þá fær maður sér eftirrétt. Það er bara þannig. Hérna er einstaklega girnileg uppskrift sem þarf reyndar aðeins að hafa fyrir en  er algerlega þess virði. Sönnunargagn nr.1 – sjá myndir 🙂 Uppskriftin er frá henni Hafdísi sem er með matarbloggið Dísukökur.

Súkkulaðimús

25 g sukrin
3 eggja rauður
100 g 70% súkkulaði
200 ml rjómi
6-8 dropar Via-Health stevía original

Sykur og egg þeytt vel saman. Yfir heitu vatnsbaði er blandan hituð aðeins þar til hún fer að þykkjast. Súkkulaði brætt yfir heitu vatnsbaði. Rjómi þeyttur og eggjarauður og stevía blandað varlega við. Í lokin er brætt súkkulaði sett út í rjóman og blandað vel saman. Sett í form og inn í ísskáp eða frysti.

Kókosmús

80 ml rjómi
20 g sukrin
15 ml  rjómi(fyrir gelatín)
1/2 gelatín blað
8 dropar Via-Health stevía kókosbragð
50 g hreint jógúrt

Gelatín sett í vatnsbað og geymt í 5-10 mín. Þeyta rjóma, stevíu og sukrin saman. Gelatín er tekið úr vatni og kreist allan vökva úr og sett í pott ásamt 15 ml af rjóma. Hræra þar til uppleyst í rjómanum. Blanda við músina og í lokin er jógúrt bætt við.

Hægt að setja ofan á súkkulaðimúsina eða í sérskál og inn í frysti eða kæli.

Uppskriftina er að finna hér

Meðlæti er eitthvað sem ég er alltaf með augun opin fyrir því það eru alltaf þessir hefðbundnu próteingjafar sem maður sækir í , kjöt, fiskur og egg en MEÐLÆTIÐ er eitthvað sem gerir oft gæfumuninn og gerir matinn aftur spennandi ef maður er búinn að fá leið. Þessi blómkálsuppskrift frá Maríu Kristu er alger snilld og er líka búin til úr uppáhalds grænmetinu mínu þessa dagana…blómkáli (var áður brokkóli)

Alger snilldaruppskriftt og hentar með öllu kjöti eða fisk sem meðlæti, eða sem forréttur eða bara sem svona hálf….vegis “veggie” réttur þ.e. ef þú sleppir beikoninu, sem ég mæli alls ekki með að þú gerir 🙂

Þú þarft:
200 gr maukað blómkál
1 egg
2 dl rifinn cheddar ostur + 2 msk til að toppa með
salt dash
pipar dash
1 tsk paprikukrydd ( nauðsynlegt ) sweet paprika frá Söstrene Gröne er mjög góð t.d.
1 msk Chia Seed meal eða möluð Chia fræ
30 gr sýrður rjómi (til að setja ofan á í lokin)
3 msk beikonkurl
graslaukur niðurklipptur

Aðferð:

Gufusjóðið fyrst blómkálið ca 1 haus. Maukið allt saman nema sýrða rjómann, beikonið og graslaukinn og setjið í skeljamót og bakið 180 gráðum, þar til gyllt. Má líka sprauta aflöngum doppum á smjörpappír ef formið er ekki við hendina.

Takið úr mótinu, setjið í bökunarpappír og stráið beikonkurli yfir og dálitlu af rifnum cheddar. Hitið aftur í ofni þar til “bátarnir” hafa brúnast vel og svo berið þið þá fram með tsk af sýrðum rjóma og niðurskornum ferskum graslauk.

Uppskriftina er að finna á matarblogginu hennar Maríu Kristu hér

Frábær uppskrift frá Eldhúsperlum sem er grillaður lax í mjög bragðgóðri dressingu. Það er enn sumar….er það ekki og það er svo sumarlegt að sjá svona grillaða dásemd. Ef þú vilt heldur setja hann inn í ofn er það auðvitað í góðu lagi. Setur hann í eldfast mót og inn í ofn á 180° í 12-15 mínútur. Til að LKL væða þessa uppskrift skipti ég út hunanginu í jöfnum hlutföllum fyrir Walden Farms pönnukökusýrópið og það kom svona svakalega vel út.

Marinering:
2 msk dijon sinnep
1 msk hunang
4 msk sojasósa
6 msk ólífuolía
1 hvítlauksrif, rifið eða smátt saxað

Lax – ég var með tvö frekar lítil flök og dugði marineringin vel á þau. Saxaður vorlaukur til að strá yfir að lokinni eldun

Aðferð:  Breinhreinsið laxaflökin og skerið þau í passlega bita. Hrærið öllu innihaldinu í marineringuna saman og hellið helmingnum af marineringunni yfir laxinn. Látið standa í 10 mínútur og grillið svo á vel heitu grilli, fyrst á fiskhliðinni, snúið honum við eftir 2-3 mínútur og klárið að elda á roðhliðinni. Takið laxinn af roðinu og berið fram með restinni af marineringunni, söxuðum vorlauk og t.d einföldu fersku salati.

Uppskriftina er að finna inn á matarblogginu Eldhússögur hér