Bragðmikill fiskréttur frá Eldhúsperlunni Helenu sem er hentar frábærlega á Lágkolvetna mataræði. Ólífurnar eru frábærar með fullt af góðri fitu og og svo eru það ostarnir og olíur í pestóinu. Fitan í aðalhlutverki alveg eins og það á að vera og ég mæli með fersku salati með þessum rétti og jafnvel smjörsteiktu blómkálsgrjónum…
600 grömm nýr fiskur, ég notaði ýsu
Sólþurrkað tómatamauk, líka hægt að nota rautt pestó
1 lítil krukka svartar ólífur
1 kúla ferskur mozarella ostur
1 askja kirsuberjatómatar
1 dl rifinn parmesan ostur
Ólífuolía og gott krydd t.d Heitt pizzakrydd frá Pottagöldrum
Aðferð: Hitið ofn í 200 gráður og smyrjið eldfast mót með ólífuolíu. Skerið fiskinn í passlega bita, kryddið og leggið í mótið.
Smyrjið um það bil einni teskeið af sólþurrkaða tómatmaukinu ofan á hvern fiskbita
Skerið tómata og ólífur í tvennt og dreifið yfir. Leggið sneið af mozarella ofan á hvern fiskbita.
Dreifið parmesan osti yfir allt saman og kryddið yfir með heitu pizzakryddi.
Bakið í 20 mínútur eða þar til fiskurinn er eldaður í gegn og osturinn bakaður.
Uppskriftina er að finna á matarblogginu Eldhúsperlur hér